Հռոմի պապ Լևոն XIV-ը կոչ է արել Իսրայելին և Իրանին հրաժարվել վրեժխնդրության և կամայականության տրամաբանությունից իրենց հակամարտության ավարտից հետո։
«Մենք շարունակում ենք ուշադիր և հույսով հետևել Իրանում, Իսրայելում և Պաղեստինում տեղի ունեցող զարգացումներին։ Եսայի մարգարեի խոսքերն ավելի արդիական են հնչում, քան երբևէ. «Ազգը ազգի վրա սուր չի բարձրացնի, և նրանք այլևս պատերազմ չեն սովորի»», - ասել է նա չորեքշաբթի օրը Սուրբ Պետրոսի հրապարակում։
«Թող վերևից եկող այս ձայնը լսելի լինի։ Թող վերջին օրերի արյունալի իրադարձությունների վերքերը բուժվեն։ Թող մերժվի կամայականության և վրեժխնդրության ողջ տրամաբանությունը։ Թող հաստատակամորեն ընտրվի երկխոսության, դիվանագիտության և խաղաղության ուղին», - ասել է պապը։
Իսրայելը հունիսի 13-ի գիշերը գործողություն սկսեց Իրանի դեմ՝ մեղադրելով նրան գաղտնի ռազմական միջուկային ծրագիր իրականացնելու մեջ: Դիվերսիոն խմբերի կողմից օդային ռմբակոծությունների և ասպատակությունների թիրախներն էին միջուկային օբյեկտները, գեներալները, ականավոր միջուկային ֆիզիկոսները և ավիաբազաները:
