Հունիսի 21-ին, ժամը 15։57-ին Ճգնաժամային կառավարման ազգային կենտրոն տեղեկություն է ստացվել, որ Արարատի մարզի Բարձրաշեն գյուղի Իսահակյան փողոցում գտնվող հացատան տանիքում հրդեհ է բռնկվել։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ:
Պարզվել է, որ հրդեհը բռնկվել է թոնրատան և ավտոտնակի տանիքում։
Հրդեհը մեկուսացվել է ժամը 16։27-ին, մարվել՝ 16։57-ին։ Այրվել են թոնրատան և ավտոտնակի տանիքի փայտե կառուցատարրերը (մոտ 30 գմ), երկու պատուհան և պահարան։
