Կյանքից հեռացել է ֆրանսահայ հայտնի կոմպոզիտոր Կարպիս Ապրիկյանը

18.10.2024 13:09 | Կատեգորիա Գիտություն և մշակույթ

Ֆրանսիայում ՀՀ դեսպանությունը խորը ցավով տեղեկացավ ֆրանսահայ հայտնի կոմպոզիտոր, երաժշտագետ, «Սիփան-Կոմիտաս» երգչախմբի հիմնադիր և երկարամյա ղեկավար Կարպիս Ապրիկյանի մահվան մասին։ Այս մասին հայտնում են Ֆրանսիայում ՀՀ դեսպանությունից։

Անգնահատելի է մեծանուն կոմպոզիտորի դերը Ֆրանսիայում և նրա սահմաններից դուրս հայկական մշակույթի տարածման գործում։ Իր հիմնադրած «Սիփան-Կոմիտաս» երգչախմբի հետ Կարպիս Ապրիկյանն ավելի քան 50 տարի աշխարհի տարբեր երկրներում ներկայացրել է հայկական երգն ու երաժշտությունը։ Առանձնահատուկ հիշատակության արժանի է նրա կողմից ամբողջականացված «Սասունցի Դավիթի ծնունդը» օրատորիան՝ Բարսեղ Կանաչյանի էսքիզների հիման վրա։

Մեր անկեղծ ցավակցություններ ենք հայտնում Կարպիս Ապրիկյանի ընտանիքին, նրա հարազատներին և բազմաթիվ սաներին։ Կարպիս Ապրիկյանի ոգին ու ինքնատիպ արվեստը շարունակելու են ապրել նրա ստեղծագործություններում։

Ծանոթություն․ Կարպիս Ապրիկյանը ծնվել է 1926թ․, Եգիպտոսի Ալեքսանդրիա քաղաքում։ 1948թ․ այնտեղ հիմնել է «Համազգային» երգչախումբը, որի հետ Եգիպտոսում հանդես է եկել բազմաթիվ համերգներով։ 1953թ․ տեղափոխվել է Փարիզ, իսկ կարճ ժամանակ անց հիմնել և սկսել է ղեկավարել «Սիփան-Կոմիտաս» երգչախումբը՝ մեծ հաջողությամբ հանդես գալով միջազգային բազմաթիվ հեղինակավոր բեմերում։

Հայկական երաշտության տարածման գործում ունեցած մեծ ավանդի, հայկական մշակույթի, արվեստի և կրթության բնագավառներում բացառիկ նվաճումների համար Կարպիս Ապրիկյանը 2009թ․ արժանացել է Հայաստանի պետական պարգևի՝ «Մովսես Խորենացի» մեդալի, իսկ 2021թ․՝ Ֆրանսիայի Մշակույթի նախարարության կողմից նրան շնորհվել է «Արվեստի և գրականության կոմանդորի» («Commandeur de l’Ordre des Arts et des Lettres») պետական շքանշան։ 2024թ․ սեպտեմբերի 29-ին Կարպիս Ապրիկյանը Փարիզի քաղաքապետ Անն Հիդալգոյի կողմից պարգևատրվել է նաև Փարիզ քաղաքի բարձրագույն պարգևով՝ Փարիզի Մեծ մեդալով (Médaille Grand Vermeil de Paris)։

Ամենաշատ կարդացվածներ

Փաշինյանը կհանդիպի Ալիևին և Պուտինին. ՌԴ ՊՆ-ն հայտնել է Խարկովի ևս մեկ բնակավայրի գրավման մասին Չտեսանյութ)

08.10.2026 18:55 | Կատեգորիա Հասարակություն

Կաշպիրովսկու մարմինը կարող են Ուկրաինա հասցնել ԵՄ երկրների տարածքով. Shot

08.10.2026 18:30 | Կատեգորիա Համաշխարհային

Փաշինյան․ մարդիկ ավելի մեծ վստահությամբ են դիմում Քննչական կոմիտեին

08.10.2026 10:45 | Կատեգորիա Քաղաքական

Ծառուկյանի գործը քննած վարչության պետը պարգևատրվել է Փաշինյանի հուշամեդալով. «Ժողովուրդ»

09.10.2026 08:06 | Կատեգորիա Մամուլ

Ռուսաստանը համաձայն է Ռուբիոյի՝ Ուկրաինայում կարգավորման հեռանկարների գնահատականի հետ. Պեսկով

08.10.2026 23:45 | Կատեգորիա Համաշխարհային

Փաշինյան․ հանքարդյունաբերողները փորձում են ռեսուրսների արդյունավետ օգտագործման հիմնադրամ ստեղծել

08.10.2026 11:58 | Կատեգորիա Քաղաքական

Մեքսիկայի ռինգի ողբերգությունը, Aramco-ի հրդեհներն ու մերկ Թրամփի արձանը

08.10.2026 15:22 | Կատեգորիա Քաղաքական

Հայկ Սարգսյանը պատժվեց խոսելու համար. ՔՊ-ին քննադատելը պատժելի է. «Ժողովուրդ»

08.10.2026 09:52 | Կատեգորիա Մամուլ

Գորիսում հանդիպել են Հայաստանի ու Ադրբեջանի ներկայացուցիչները. Տոկաևը՝ «Թրամփի ուղու» մասին (տեսանյութ)

08.10.2026 21:00 | Կատեգորիա Հասարակություն

ՈՒՂԻՂ

Reuters. ԱՄՆ-ի և Ուկրաինայի միջև բանակցություններում քննարկվել է անվտանգության ճարտարապետությունը