ԱՄՆ նախագահ Դոնալդ Թրամփին խաբում և թունավորում են Վենեսուելայի և վենեսուելացի միգրանտների նկատմամբ ատելությամբ։ Այս մասին հայտարարել է Բոլիվարյան Հանրապետության նախագահ Նիկոլաս Մադուրոն՝ դիմելով Սպիտակ տան ղեկավարին Venezolana de Televisión հեռուստաալիքի եթերում։
«ԱՄՆ նախագահ Դոնալդ Թրամփ, թույլ մի՛ տուր, որ թունավորվես Վենեսուելայի նկատմամբ ատելությամբ, դու ամեն օր թունավորվում ես ստերով», – ասել է Մադուրոն՝ դիմելով ամերիկացի առաջնորդին։Նա ընդգծել է, որ ինքը «պաշտպանում է Վենեսուելայի քաջարի ժողովրդի և Միացյալ Նահանգներում գտնվող վենեսուելացի միգրանտների արժանապատվությունն ու պատիվը»։Հունվարի 20-ին, պաշտոնը ստանձնելուց ի վեր, Թրամփը բազմիցս կոչ է արել ավելի խիստ ներգաղթային քաղաքականություն վարել։
Նա հայտարարել է, որ մտադիր է իրականացնել Ամերիկայի պատմության մեջ անօրինական ներգաղթյալների ամենամեծ արտաքսման գործողությունը։
