Այն, որ ԵՄ–ն մերժում է կապ հաստատել Ռուսաստանի հետ ուկրաինական հակամարտության հարցով, մեծ սխալ է։ Այս մասին հայտարարել է Հունգարիայի վարչապետ Վիկտոր Օրբանը, փոխանցում է ՏԱՍՍ-ը։
Հունգարիայի ղեկավարը նաև ասել է, որ Եվրոպական խորհրդի գագաթնաժողովում կոչ կանի Ֆրանսիայի նախագահ Էմանուել Մակրոնին և Գերմանիայի կանցլեր Օլաֆ Շոլցին Եվրամիության անունից բանակցություններ սկսել Ռուսաստանի հետ՝ հակամարտությունը կարգավորելու համար։
«Մենք պարտվում ենք։ Եվ ինչ-որ մեկը պետք է պատասխանատվություն ստանձնի սրա համար։ Եվրոպական շատ առաջնորդներ՝ Եվրահանձնաժողովի գլխավորությամբ, որոշեցին մտնել այս պատերազմի մեջ՝ կանգնելով Ուկրաինայի կողքին և ֆինանսական աջակցություն ցուցաբերելով նրան»,- ընդգծել է Օրբանը։
