Թուրքիայի արտաքին գործերի նախարար Հաքան Ֆիդանը հայտարարել է, որ իր երկիրը պատրաստ է ցանկացած պահի ընդունել Ռուսաստանի և Ուկրաինայի միջև բանակցությունները և դա համարում է իր հատուկ առաքելությունը։ Այս մասին նա ասել է Մոսկվայում՝ իր ռուս գործընկեր Սերգեյ Լավրովի հետ մամուլի ասուլիսում։
«Մենք նախկինում հայտնել ենք մեր պատրաստակամությունը նման միջոցառում ընդունելու և պատրաստ ենք դրան ցանկացած պահի, անկեղծ ասած, մենք դա համարում ենք մեր պարտքը. սա առաքելություն է մեր տարածաշրջանի համար, աշխարհում խաղաղության համար։
Պատերազմի հենց սկզբից մեր նախագահը միջազգային հանրությանը հորդորում է խաղաղության ձգտել։ Որովհետև մենք նույն տարածաշրջանում ենք ապրում։ Իհարկե, մենք ցանկանում ենք, որ այս խնդիրը լուծվի այնպես, որ երկու կողմերը կարողանան համաձայնության գալ։
Մենք կշարունակենք ցուցաբերել հնարավոր բոլոր աջակցությունն այս ոլորտում»,- ասել է Ֆիդանը:
