Ուկրաինական գերությունից ազատված 307 ռուս զինծառայողների տեղափոխող ինքնաթիռը վայրէջք է կատարել Մոսկվայի մարզում, հաղորդում է «Զվեզդա» հեռուստաալիքը։
Մինչ այդ զինծառայողները գտնվում էին Բելառուսի տարածքում, որտեղ նրանց ցուցաբերվում էր անհրաժեշտ հոգեբանական և բժշկական օգնություն։
Այսօր ևս 307 ռուս զինվորներ վերադարձվեցին Կիևի ռեժիմի կողմից վերահսկվող տարածքից։ Փոխարենը, ուկրաինական կողմին հանձնվեցին Ուկրաինայի զինված ուժերի 307 գերի վերցված զինյալներ։
Փոխանակման առաջին փուլը տեղի է ունեցել մեկ օր առաջ, Ռուսաստան են վերադարձել 270 զինծառայողներ, ինչպես նաև 120 քաղաքացիական անձինք, այդ թվում՝ Ուկրաինայի զինված ուժերի կողմից գերեվարված Կուրսկի մարզի քաղաքացիական անձինք։ Փոխարենը, ուկրաինական կողմին հանձնվեցին 270 Ուկրաինայի զինված ուժերի մարտիկ և 120 քաղաքացիական անձ։
