Չինաստանի նախագահ Սի Ծինփինը շնորհավորական նամակ է հղել Վրաստանի նախագահ Միխեիլ Կավելաշվիլիին՝ հանրապետության առաջիկա Անկախության օրվա կապակցությամբ։ Այս մասին հայտնել է Վրաստանի ղեկավարի վարչակազմը։
«Չինաստանը և Վրաստանը զարգացրել են բարեկամական հարաբերություններ՝ հիմնված փոխադարձ հարգանքի և վստահության վրա։ Մենք լավ գործընկերներ ենք։ Վերջին տարիներին վրաց-չինական հարաբերությունները առաջընթաց են ապրել, քաղաքական կապերը խորացել են, իսկ ռազմավարական համագործակցությունը՝ ամրապնդվել։
Ես մեծ նշանակություն եմ տալիս վրաց-չինական հարաբերություններին և պատրաստ եմ համագործակցել ձեզ հետ՝ երկկողմ գործընկերությունը նոր մակարդակի բարձրացնելու համար։ Մաղթում եմ ձեզ առողջություն և ամենայն բարիք։ Մաղթում եմ Վրաստանին բարգավաճում, իսկ վրաց ժողովրդին՝ երջանկություն», – ասվում է նամակում։
Կավելաշվիլիին Վրաստանի առաջիկա Անկախության օրվա կապակցությամբ շնորհավորել են նաև Հունգարիայի նախագահ Տամաշ Շույոկը, Թուրքիայի նախագահ Ռեջեփ Թայիփ Էրդողանը և Խորվաթիայի նախագահ Զորան Միլանովիչը։
