Նիդեռլանդները և յոթ այլ եվրոպական երկրներ կոչ են արել Եվրահանձնաժողովին անհապաղ բարելավել հասարակության պատրաստվածությունը մարդածին և բնական աղետների նկատմամբ։ Այս մասին հաղորդում է Financial Times (FT) թերթը՝ հղում անելով Նիդեռլանդների անվտանգության և արդարադատության նախարար Դավիդ վան Վիլին։
Վան Վիլը և նրա գործընկերները Բելգիայից, Լյուքսեմբուրգից, Ֆինլանդիայից, Շվեդիայից և Բալթյան երկրներից հանդիպել են Բրյուսելում մայիսի 22-ին: Հրատարակության տվյալներով՝ նախարարները քննարկել են, «ինչպես բարձրացնել երկրների դիմադրողականությունը այն ժամանակ, երբ ԵՄ-ն հսկայական գումարներ է ներդնում պաշտպանության մեջ՝ լայնածավալ հակամարտության հնարավորությանը նախապատրաստվելու համար»:
«Մենք բոլորս գիտենք, որ մեր շրջապատող աշխարհը փոխվում է։ Մենք գտնվում ենք նոր աշխարհաքաղաքական միջավայրում, որտեղ ճգնաժամի կամ նույնիսկ պատերազմի սպառնալիքը իրական է», - հանդիպումից հետո վան Վիլը FT-ին ասել է։
