Հարավաֆրիկյան Հանրապետության նախագահ Սիրիլ Ռամաֆոսայի այցը Միացյալ Նահանգներ, որի ընթացքում նա հանդիպեց Ամերիկայի առաջնորդ Դոնալդ Թրամփի հետ, հաջող էր։ «Նախագահ Ռամաֆոսան հաջողությամբ ավարտեց աշխատանքային այցը Միացյալ Նահանգներ՝ նախագահ Թրամփի հրավերով:
Այցի նպատակն էր վերականգնել և վերակենդանացնել Հարավային Աֆրիկայի և Միացյալ Նահանգների միջև երկկողմ հարաբերությունները», – ասվում է Հարավաֆրիկյան Հանրապետության առաջնորդի գրասենյակի հայտարարության մեջ։ Վարչակազմը շեշտել է, որ այցի ուշադրության կենտրոնում էին վերջին ամիսներին երկու երկրների միջև դիվանագիտական լարվածության աղբյուր դարձած հարցերի լուծումներ գտնելը, ինչպես նաև երկկողմ տնտեսական և առևտրային հարաբերությունների վերանայումը։
«Երկու առաջնորդները համաձայնության են եկել ամրապնդել առևտրային կապերը, ավելացնել ներդրումները փոխադարձ օգուտի համար և հաստատել համագործակցությունը տեխնոլոգիական փոխանակումների ոլորտում»,-ասվում է հայտարարության մեջ։
Նախագահ Ռամաֆոսան ողջունել է Հարավային Աֆրիկայի և Միացյալ Նահանգների միջև առևտրային բանակցությունների սպասվող մեկնարկը։
