ԵՄ խորհուրդը մայիսի 27-ին լսումներ կանցկացնի Հունգարիային Եվրոպական Միության մասին պայմանագրի 7-րդ հոդվածի համաձայն համայնքում քվեարկության իրավունքից զրկելու հարցի վերաբերյալ։ «Նախարարները կանցկացնեն Հունգարիայի վերաբերյալ ութերորդ լսումը՝ համաձայն Եվրոպական խորհրդարանի կողմից նախաձեռնված 7-րդ հոդվածի ընթացակարգի»,-նշվում է ծրագրում։
Եվրոպական Միության մասին պայմանագրի 7-րդ հոդվածը նախատեսում է Համայնքի պետությունների որոշակի իրավունքներ, այդ թվում՝ երկրի ներկայացուցչի քվեարկության իրավունքը ԵՄ խորհրդում կասեցնելու հնարավորություն՝ կապված ընդհանուր արժեքներին հակասող գործողությունների հետ։
Ավելի վաղ բրիտանական Financial Times թերթը հայտնել էր, որ ԵՄ շատ պաշտոնյաներ քննարկել են Հունգարիային ձայնի իրավունքից զրկելու հարցը՝ Բուդապեշտի կողմից համայնքի կարևորագույն որոշումները, առաջին հերթին՝ Ռուսաստանին վերաբերողները, արգելափակելու կարողության պատճառով։
