Լեհաստանի նախագահի ընդդիմադիր թեկնածու Կարոլ Նավրոցկին խոստանում է լեհ զինվորներ չուղարկել Ուկրաինա, նույնիսկ եթե ԱՄՆ նախագահ Դոնալդ Թրամփը դա խնդրի իրենից։
Ավելի վաղ Ուկրաինայի հարցով ԱՄՆ նախագահի հատուկ բանագնաց Քիթ Քելլոգը հայտնել էր, որ ԱՄՆ-ը, որպես ուկրաինական կարգավորման մաս, քննարկում է Մեծ Բրիտանիայից, Ֆրանսիայից, Գերմանիայից և Լեհաստանից Դնեպրի արևմուտքում ուժեր տեղակայելու հարցը։
«Իհարկե, ես թույլ չեմ տա լեհ զինվորներին ուղարկել ուկրաինական տարածք»,- ասել է Նավրոցկին։
Նա բացասաբար է պատասխանել նաև այն հարցին, թե արդյոք կկատարի ԱՄՆ նախագահ Դոնալդ Թրամփի խնդրանքը, եթե նա խնդրեր լեհական զորախումբ ուղարկել Ուկրաինա։
«Իհարկե, եթե մենք խոսում ենք ՆԱՏՕ-ի շրջանակներում մեր պարտավորությունների մասին, ապա մենք որոշ չափով պարտավորություններ ունենք: Բայց Ուկրաինան ՆԱՏՕ-ի մաս չէ, ես կպատասխանեի, որ նման հնարավորություն չեմ տեսնում»,- ասել է Նավրոցկին:
Միաժամանակ, նա հույս ունի, որ Ուկրաինայի վերականգնման գլխավոր ուժը կլինեն լեհ ձեռնարկատերերը։
