Փարիզն ու Պեկինը հանդես են գալիս Ուկրաինայում հրադադարի շուտափույթ հաստատման օգտին։ Այս մասին հայտարարել է Ֆրանսիայի նախագահ Էմանուել Մակրոնը Չինաստանի նախագահ Սի Ծինփինի հետ հեռախոսազրույցից հետո։
«Անհրաժեշտ է տեւական և կայուն խաղաղություն, այն սկսվում է անհապաղ և անվերապահ հրադադարից»,- գրել է Մակրոնն X -ում՝ նշելով, որ սա Ֆրանսիայի և Չինաստանի ընդհանուր դիրքորոշումն է։
Բացի Ուկրաինայի շուրջ ստեղծված իրավիճակից, զրուցակիցները քննարկել են հակամարտությունը Մերձավոր Արևելքում, ինչպես նաև երկու երկրների միջև առևտրատնտեսական կապերը։
Ավելի վաղ ՌԴ նախագահ Վլադիմիր Պուտինը հայտարարել էր, որ Ռուսաստանը պատրաստ է Ուկրաինայի հետ աշխատել ապագա խաղաղության պայմանագրի վերաբերյալ հուշագրի շուրջ, որը կարող է ներառել հրադադարի հարցեր և հակամարտության կարգավորման սկզբունքներ։
