Իսրայելի արտաքին գործերի նախարար Գեդեոն Սաարը Վաշինգտոնում սպանված Իսրայելի դեսպանատան աշխատակիցների անուններն է անվանել՝ տեղի ունեցածն անվանելով սարսափելի ահաբեկչություն, որը դրդված է հակասեմիտիզմով:
«Յարոն Լիշչինսկին և Սառա Միլգրամը Իսրայել պետության երկու երիտասարդ ներկայացուցիչներ էին, ովքեր սպանվել են մի քանի ժամ առաջ Վաշինգտոնում սարսափելի ահաբեկչության ժամանակ: Սա ուղղակի արդյունքն է Իսրայելի և հրեաների դեմ թունավոր հակասեմական հրահրման, որը շարունակվում է 2023 թվականի հոկտեմբերի 7-ից», - ասել է Սաարը մամուլի ասուլիսում:
Ասուլիսի ժամանակ նախարարի օգնականն ասել է, որ Յարոնն աշխատել է դեսպանատան քաղաքական բաժնում որպես գիտաշխատող, մինչդեռ Սառան մասնակցել է Իսրայել առաքելությունների և այցերի կազմակերպմանը։
Իսրայելի պետական «Կան» հեռուստաընկերությունը, վկայակոչելով ԱՄՆ-ում Իսրայելի դեսպան Յեչիել Լեյթերին, հայտնել է, որ երիտասարդները հանդիպում էին և պատրաստվում էին նշանադրվել հաջորդ շաբաթ Երուսաղեմում:
