Ալժիրը պաշտոնապես միացել է BRICS նոր զարգացման բանկին (NDB): Այս մասին հայտարարել է ֆինանսական կազմակերպության ղեկավար Դիլմա Ռուսեֆը։
Իր հայտարարության մեջ նա նշել է, որ Ալժիրը կարող է կարևոր դեր խաղալ ոչ միայն Հյուսիսային Աֆրիկայի տնտեսության մեջ, այլև համաշխարհային մասշտաբով։ «Ալժիրը կնպաստի NBR-ի դիրքերի ամրապնդմանը համաշխարհային ֆինանսական ասպարեզում»,- Ռուսեֆի խոսքերն է մեջբերում NBR-ի մամուլի ծառայությունը։ «Նոր զարգացման բանկի անունից ես անկեղծորեն շնորհավորում եմ Ալժիրին անդամակցության կապակցությամբ»,- ասել է նա։
Ռուսեֆի խոսքով՝ ֆինանսական հաստատությունը պատրաստ է Ալժիրի հետ համագործակցել ներդրումների ոլորտում։ «Ալժիրի հետ մենք կաշխատենք ֆինանսավորել արդյունավետ ծրագրեր, որոնք նպաստում են առաջընթացին, ավելի լավ կյանքին և զարգացմանը», - եզրափակել է նա:
Իր հերթին, Ալժիրի ֆինանսների նախարար Աբդելկարիմ Բու էլ-Զերդը նշել է, որ հանրապետության միացումը BRICS բանկին «խոստումնալից հնարավորություններ կստեղծի համագործակցության և փոխադարձ աջակցության համար»:
«Մենք համոզված ենք այս ինստիտուտի կենսական դերում գլոբալ զարգացման ֆինանսավորման գործում և նրա կարգավիճակում որպես հիմնական խաղացողի, որը կարող է այլընտրանքային և նորարարական լուծումներ տալ աճը խթանելու համար»,- ընդգծել է նախարարը։
