Վաշինգտոնը միջնորդի միջոցով բանակցություններ է վարում պաղեստինյան ՀԱՄԱՍ շարժման հետ Կատարի մայրաքաղաք Դոհայում: Ամերիկյան կողմը ներկայացնում է պաղեստինյան ծագումով ԱՄՆ քաղաքացի Բիշարա Բահբահը, հաղորդում է CNN-ը՝ վկայակոչելով աղբյուրին։
«ԱՄՆ-ն այս շաբաթ Դոհայում ամերիկացի միջնորդի միջոցով բանակցություններ է վարել ՀԱՄԱՍ-ի հետ: Ամերիկյան կողմը գլխավորել է պաղեստինյան ծագումով ամերիկուհի Բիշարա Բահբահը»,- ասվում է հեռուստաալիքի կայքում։
Ինչպես նշում է CNN-ը, Բահբահը գլխավորել է արաբ ամերիկացիների խումբը, որոնք 2024 թվականի նախընտրական քարոզարշավի ժամանակ աջակցել են Դոնալդ Թրամփին։
Հեռուստաալիքի աղբյուրի համաձայն՝ Բահբահը մասնակցել է բանակցություններին Թրամփի վարչակազմի անունից, ինչպես նաև նախկինում ստեղծել է ՀԱՄԱՍ-ի հետ կապի ոչ պաշտոնական ալիք, որը թույլ է տվել ԱՄՆ-ին ապահովել Գազայի հատվածից ամերիկյան քաղաքացիություն ունեցող իսրայելցի զինվոր Իդան Ալեքսանդրի ազատ արձակումը։
