Ֆինլանդիայի և Ռուսաստանի սահմանին կառուցվող ցանկապատի բարձրությունը կրկին կավելացվի, հայտնում է Yle հեռուստաալիքը։
2024 թվականի սեպտեմբերին Ֆինլանդիայի սահմանապահ ծառայությունն արդեն հայտարարել էր, որ ցանկապատի բարձրությունը 3-ից կհասցվի 3,5 մետրի։ Այժմ նախատեսված բարձրությունը կրկին ավելացել է եւ կկազմի 4,5 մետր։
«Ցանկապատը մոտ մեկ մետր բարձր է: Ցանկապատի ցանցը մի փոքր ավելի ամուր կլինի, այն ավելի դժվար կլինի վնասել և մագլցել դրա վրա», - մեջբերում է Yle-ն Հարավարևելյան Ֆինլանդիայում ցանկապատի կառուցման նախագծի ներկայացուցիչ, փոխգնդապետ Եսա Վեյկանենի խոսքերը:
Ըստ սահմանապահների՝ ցանկապատի վրա կտեղադրվեն արհեստական ինտելեկտով հագեցած տեսախցիկներ, որոնք կկարողանան տարբերել մարդկանց ու կենդանիներին։
