ԵՄ-ն մտադիր է շարունակել ճնշում գործադրել Ռուսաստանի վրա ուկրաինական հարցում եւ արդեն աշխատում է հաջորդ պատժամիջոցների փաթեթի վրա, որը «էլ ավելի կոշտ» կլինի, RIA Novosti-ին հայտնել են ԵՄ արտաքին ծառայությունից։
Ռուսաստանի Դաշնությունը բազմիցս հայտարարել է, որ երկիրը հաղթահարելու է պատժամիջոցների ճնշումը, որը Արևմուտքը սկսել է մի քանի տարի առաջ կիրառել Ռուսաստանի վրա և շարունակում է ուժեղանալ։ Մոսկվան նշել է, որ Արևմուտքը քաջություն չունի ընդունելու Ռուսաստանի Դաշնության դեմ պատժամիջոցների ձախողումը։ Բուն արեւմտյան երկրներում մեկ անգամ չէ, որ կարծիքներ են հնչել, որ հակառուսական պատժամիջոցներն անարդյունավետ են։
«Եթե Ռուսաստանը չհամաձայնի ամբողջական, անվերապահ զինադադարին, ավելի մեծ ճնշում կլինի։ Մենք արդեն աշխատում ենք հաջորդ փաթեթի վրա՝ ավելի կոշտ պատժամիջոցներով»,- ասել է ԵՄ խոսնակ Անիտա Հիպերը։
