Վրաստանում ընդունված օտարերկրյա գործակալների մասին օրենքը նպատակ ունի կանխել արտաքին միջամտությունը, լրագրողներին ասել է վարչապետ Իրակլի Կոբախիձեն։
Ապրիլի 1-ին Վրաստանի խորհրդարանը նոր օրենք է ընդունել օտարերկրյա գործակալների մասին, որը նման է ամերիկյան օրենքին։ Օրինագիծը կոչվում է Օտարերկրյա գործակալների գրանցման ակտ:
Ռուսաստանը կարող է նոր քրեական պատասխանատվություն սահմանել օտարերկրյա գործակալների համար։
«ԱՄՆ նոր վարչակազմն ուղղակիորեն հայտարարել է, որ USAID-ը, NED-ը և այլ միջոցներն օգտագործվել են տարբեր երկրներում անկարգությունների սցենար մշակելու, հեղափոխություններ կազմակերպելու համար, և դա տեղի է ունեցել Վրաստանում, ի թիվս այլ վայրերի։
Այս ճանաչման համատեքստում բացարձակապես պարզ դարձավ, թե որքան կարևոր է թափանցիկության օրենսդրությունը մեր երկրում։ Ոչ ոք իրավունք չունի դրսից միջամտելու մեր ներքաղաքական կյանքին, առավել եւս դրսից հեղափոխություններ պլանավորելու։
Ուստի, թափանցիկության օրենքը կդառնա Վրաստանի ինքնիշխանությունը, մեր երկրի անկախությունը և ազգային շահերը հուսալիորեն պաշտպանելու հիմնական երաշխիքներից մեկը»,- ասել է Կոբախիձեն։
Նրա խոսքով՝ «Իր բովանդակությամբ FARA օրենքը շատ ավելի խիստ է, քան վրացական կողմի ընդունած թափանցիկության օրենքը, սակայն Վրաստանում այս օրենքը կգործի մարդու իրավունքների չափանիշներին համապատասխան»,-ասել է նա։
