Իրանի Մեջլիսը (խորհրդարանը) հավանություն է տվել Ռուսաստանի հետ Համապարփակ ռազմավարական գործընկերության համաձայնագրի մասին օրենքի նախագծին, հայտնում է Fars գործակալությունը։
«Խորհրդարանի անդամները հավանություն են տվել Իրանի և Ռուսաստանի միջև Համապարփակ ռազմավարական գործընկերության պայմանագրի մասին օրենքի նախագծի ընդհանուր դրույթներին»,- ասվում է գործակալության հաղորդագրության մեջ։
Ռուսաստանի և Իրանի միջև Համապարփակ ռազմավարական գործընկերության համաձայնագիրը մայիսի սկզբին ուղարկվել է Իրանի խորհրդարան։ Իրանի արտգործնախարարության խոսնակ Իսմայիլ Բաղայիի խոսքով՝ պայմանագիրն ակտիվորեն անցնում է վավերացման համար անհրաժեշտ փուլերը։
Համաձայնագիրը ստորագրվել է 2025 թվականի հունվարի 17-ին՝ Իրանի նախագահ Մասուդ Պեզեշկյանի Մոսկվա կատարած այցի ժամանակ։
