Փորձագետները, այսպես կոչված, իրանական գործով առաջընթաց են արձանագրում Օմանում Վաշինգտոնի և Թեհրանի միջև անուղղակի բանակցությունների լույսի ներքո: Այս մասին Բիշքեկում ՀԱՊԿ Խորհրդարանական վեհաժողովի (ԽՎ) խորհրդի նիստում հայտարարել է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Իմանգալի Տասմագամբետովը։
«Իրանի գործով, ըստ փորձագետների, առաջընթաց կա, սա ԱՄՆ-ի և Իրանի միջև անուղղակի բանակցությունների անցկացումն է Օմանում»,- նշել է նա։
Մայիսի 11-ին Իրանը և ԱՄՆ-ը Օմանի միջնորդությամբ անցկացրել են Թեհրանի միջուկային ծրագրի շուրջ բանակցությունների չորրորդ փուլը: Խորհրդակցություններին իրանական պատվիրակությունը գլխավորում էր արտգործնախարար Աբբաս Արաղչին, իսկ ամերիկյան պատվիրակությունը՝ նախագահի հատուկ բանագնաց Սթիվեն Ուիթքոֆը։
Ինչպես բանակցություններից հետո նշեց Իրանի արտգործնախարարը, այս փուլն ավելի լուրջ ու անկեղծ էր, քան նախորդները, և կողմերի դիրքորոշումներն ավելի սերտացան։ Մայիսի 16-ին ԱՄՆ նախագահ Դոնալդ Թրամփը հայտարարել էր, որ Վաշինգտոնը Թեհրանին գրավոր առաջարկ է ուղարկել իրավիճակը կարգավորելու համար։
