Նիկեայի Ա տիեզերական ժողով 1700-ամյակին նվիրված տոնակատարույյուն է անցկացվել Եգիպտոսում
«Միջին Արեւելքի Արեւելեան Ուղղափառ Եկեղեցիներու Հոգեւոր Պետերու՝ Ն.Ս.Օ.Տ.Տ. Արամ Ա. Վեհափառ Հայրապետի, Ն.Ա.Տ. Թաուատրոս Բ. Պատրիարքի եւ Ն.Ա.Տ. Աֆրամ Բ. Պատրիարքի հանդիսապետութեամբ, Շաբաթ եւ Կիրակի, 17 եւ 18 Մայիս 2025, Ղպտի Ուղղափառ Եկեղեցւոյ Գահիրէի Պատրիարքարանին եւ Սուրբ Մարկոս Մայր Տաճարին մէջ, տօնախմբուեցաւ Նիկիոյ Ա. Տիեզերական Ժողովին 1700 ամեակը։
Սոյն տօնակատարութիւնը ընդգրկեց Հայ Եկեղեցի-Մեծի Տանն Կիլիկիոյ Կաթողիկոսութիւն, Ղպտի Եկեղեցի եւ Ասորի Եկեղեցի եպիսկոպոսներու ժողովական հանդիպում, սուրբ համապատարագի մատուցում եւ հոգեւոր համերգ՝ երեք Հոգեւոր Պետերու նախագահութեամբ։
Արամ Ա. Կաթողիկոս այս երեք առիթներով լուսարձակի տակ բերաւ Նիկիոյ Ա. Տիեզերական Ժողովին պատմական կարեւորութիւնը եւ ընդգծեց, թէ ան հիմքը կը կազմէ ուղղափառ քրիստոնէութեան՝ որուն պերճախօս արտայայտութիւնն է Նիկիական Հանգանակին արտասանութիւնը բոլոր Եկեղեցիներուն մէջ։
Վեհափառ Հայրապետին օրհնութեամբ, Նիկիոյ Ա. Տիեզերական Ժողովի 1700 ամեակի նշումին մասնակցեցան Գերշ. Տ. Կոմիտաս Արք. Օհանեան, Գերշ. Տ. Նարեկ Արք. Ալեէմէզեան, Գերշ. Տ. Շահան Արք. Սարգիսեան, Գերշ. Տ. Շահէ Արք. Փանոսեան, Գերշ. Տ. Մակար Արք. Աշգարեան, Գերշ. Տ. Մեսրոպ Արք. Սարգիսեան, Գերշ. Տ. Թորգոմ Արք. Տօնոյեան, Գերշ. Տ. Սահակ Եպս. Եմիշեան, Գերշ. Տ. Պետրոս Եպս. Մանուէլեան, Գերշ. Տ. Տաճատ Եպս. Աշըգեան, Հոգշ. Տ. Յովակիմ Վրդ. Բանճարճեան, Հոգշ. Տ. Օշին Վրդ. Չուալերթանեան եւ Հոգշ. Տ. Սարգիս Վրդ. Աբրահամեան»։
