ԱՄՆ պետքարտուղար Մարկո Ռուբիոն ԵՄ մի շարք երկրների և Ուկրաինայի արտաքին հարաբերությունների գերատեսչությունների ղեկավարների հետ քննարկել է ուկրաինական կարգավորման հեռանկարները։ Այս մասին ասված է Պետդեպարտամենտի մամուլի ծառայության՝ երկուշաբթի օրը տարածած հաղորդագրության մեջ։
Փաստաթղթի համաձայն՝ Ռուբիոն զրուցել է ԵՄ դիվանագիտական ծառայության ղեկավար Կայա Կալլասի, ինչպես նաև Մեծ Բրիտանիայի, Գերմանիայի, Լեհաստանի, Ֆրանսիայի և Ուկրաինայի արտաքին քաղաքականության գերատեսչությունների ղեկավարների հետ։
Նրանք քննարկել են Ուկրաինայում հրադադարի և խաղաղության հաստատմանն ուղղված հետագա քայլերը։ՌԴ նախագահ Վլադիմիր Պուտինը մայիսի 11-ի գիշերը Կրեմլում լրագրողների հետ զրույցում առաջարկել է Կիևի իշխանություններին վերսկսել ուղիղ բանակցությունները, որոնք նրանք ընդհատել են 2022 թվականին՝ առանց նախապայմանների։
Առաջարկվում է երկխոսությունը սկսել մայիսի 15-ին Ստամբուլում։ Ռուսաստանի ղեկավարը նաև նշել է, որ Մոսկվան նախկինում բազմաթիվ առիթներով հրադադար է հայտարարել, որոնք հետևողականորեն խախտվել են Կիևի ռեժիմի կողմից, այդ թվում՝ ամենավերջին եռօրյա հրադադարը, որը հաստատվել է Հայրենական մեծ պատերազմում հաղթանակի 80-ամյակի տոնակատարության ժամանակ։
