Հրադադարի մեկնարկից մի քանի ժամ անց Հնդկաստանի հակաօդային պաշտպանության համակարգերը օդային տարածքում որսացել են պակիստանյան անօդաչու թռչող սարքեր, հաղորդում է The Times of India-ն։
Թերթը հայտնում է, որ Ջամմուում և Քաշմիրում պայթյունների և օդային տագնապի ազդանշանի ձայներ են լսվել։ Որպես նախազգուշական միջոց՝ իշխանությունները անջատել են էլեկտրաէներգիան տարածաշրջանի մի քանի շրջաններում, ինչպես նաև Փանջաբ և Ռաջաստան նահանգներում։
Երկրների միջև հարաբերությունները սրվեցին ապրիլի 22-ին Ջամմու և Քաշմիրում տեղի ունեցած ահաբեկչական հարձակումից հետո, որի հետևանքով զոհվել են հիմնականում Հնդկաստանի քաղաքացիներ։ Այս հարձակումը սրեց երկու երկրների միջև վաղեմի լարվածությունը։
