Կատարը հայտնել է, որ Իսրայելը խոչընդոտում է Գազայի վերաբերյալ համաձայնագրի կնքմանը

16.10 14:18 | Կատեգորիա Համաշխարհային

Իսրայելի ղեկավարության դիրքորոշումը խանգարում է Գազայի հատվածում հրադադարի ռեժիմի հաստատման համաձայնագրի կնքմանը։ Այս մասին տեղեկացրել է Կատարի վարչապետ եւ արտաքին գործերի նախարար, շեյխ Մուհամեդ բեն Աբդել Ռահման Ալ Թանին։

«Կատարը միջնորդի դեր է կատարում հակամարտության սկզբից։ Ավելի քան մեկ տարի մենք զբաղվում ենք դրանով, բայց, ցավոք, [համաձայնությունը] պահանջում է երկու կողմի առկայություն։ Կողմերից մեկը չի ցանկանում կնքել այն։ Ինչ էլ որ մենք անենք որպես միջնորդ, արդյունքը նույնն է մնում։ Դուք գիտեք խոչընդոտների մասին։ Մանավանդ վերջին շրջանում խոչընդոտ է իսրայելական կողմը»,- ասել է նա Qatar Television ազգային հեռուստաալիքի հարցազրույցում։

Շեյխ Մուհամեդ բեն Աբդել Ռահման Ալ Թանին ընդգծել է, որ չնայած Դոհայի «հետեւողականությանը, հստակ եւ հայտնի դիրքորոշմանը»՝ ի աջակցություն պաղեստինյան ժողովրդի, Կատարի կողմը որպես միջնորդ «գործում է արդարացի եւ թափանցիկ»։ Նրա խոսքով՝ Կատարը այսուհետ եւս ջանքեր կգործադրի հակամարտության կարգավորման համար։

«Հաշվի առնելով Էլ-Ուդեյդ բազայի կամ այլ [օբյեկտների] առկայությունը Կատարում, Կատարը չի ընդունի, որ իր տարածքից կատարվեն ինչ-որ գրոհներ կամ [մղվեն] պատերազմներ ժողովուրդների կամ երկրների դեմ տարածաշրջանում կամ նրա սահմաններից դուրս»,- նշել է նա՝ պատասխանելով Դոհայում Էլ-Ուդեյդ ավիաբազայի օգտագործման մասին հարցին, որը համարվում է ԱՄՆ ամենամեծ ռազմական օբյեկտը Մերձավոր Արեւելքում, Գազայի հատվածում Իսրայելի գործողություններին աջակցելու համար։ Քաղաքական գործիչն ավելացրել է, որ Կատարը եւ ԱՄՆ-ը «ռազմավարական գործընկերներ են տարբեր մակարդակներում», բայց այդ հարաբերությունները չեն ազդում Դոհայի եւ Վաշինգտոնի ինքնիշխան որոշումների վրա։ Նրա խոսքով՝ «ԱՄՆ-ը հասկանում է դա եւ չի միջամտում» Կատարի ներքին գործերին։

Ամենաշատ կարդացվածներ

Վարչապետի թեկնածու կարող է առաջադրվել կաթղիկոսը կամ ցանկացած եպիսկոպոս․ Էդգար Ղազարյան (տեսանյութ)

31.05 22:03 | Կատեգորիա Քաղաքական

Գնա՛,վարչապետությունդ արա․սեռաքաղցներն են հայհոյանք տալիս, նման գրառումից հետո հրաժարական պետք է տար (տեսանյութ)

31.05 21:33 | Կատեգորիա Քաղաքական

Շեյքը՝ սև բոդիով և ներքնաշորով. Գայթակղիչ ֆոտոշարք թանգարանում (լուսանկարներ)

31.05 23:35 | Կատեգորիա Ժամանց

Ողջ իշխանական վերնախավը Սևանի կառավարական առանձնատանը նշում է Փաշինյանի 50–ամյակը

02.06 00:15 | Կատեգորիա Քաղաքական

ՊՍԺ-ն իր պատմության մեջ առաջին անգամ դարձավ Չեմպիոնների լիգայի գավաթակիր

01.06 01:00 | Կատեգորիա Սպորտ

Կաննի 2025. ո՞վքեր դարձան կինոաշխարհի նոր աստղերը

31.05 23:00 | Կատեգորիա Ժամանց

Սասունցի Դավիթ փողոցում բախվել են ավտոմեքենան և մոտոցիկլետը․ կա տուժած

01.06 00:20 | Կատեգորիա Պատահարներ

Էրդողան. Թուրքիան աշխատում է Ստամբուլում Ռուսաստան-Ուկրաինա հանդիպման կազմակերպման ուղղությամբ

31.05 23:20 | Կատեգորիա Համաշխարհային

Երկրաշարժ՝ Հայաստանում

02.06 00:28 | Կատեգորիա Հասարակություն

ՈՒՂԻՂ