Ռուսաստանի նախագահ Վլադիմիր Պուտինը Չինաստանի նախագահ Սի Ծինփինին անվանել է սիրելի ընկեր։
Չորեքշաբթի Սի Ծինփինը այցով ժամանել է Ռուսաստան։ Ռուսաստանի և Չինաստանի առաջնորդները հինգշաբթի օրը Մոսկվայում բանակցություններ կվարեն, հանդես կգան համատեղ հայտարարություններով, ելույթ կունենան ԶԼՄ-ների հետ և ոչ պաշտոնական կզրուցեն թեյի շուրջ։
«Հարգելի պարոն նախագահ, հարգելի բարեկամ, հարգելի չինացի ընկերներ, ինձ համար մեծ հաճույք է ողջունել բոլորիդ Մոսկվայում: Ես շատ ուրախ եմ մեր նոր հանդիպման համար», - Կրեմլում Սի Ծինփինի հետ բանակցությունների մեկնարկին ասել է Պուտինը:
ՌԴ նախագահը նշել է, որ անկեղծորեն գնահատում է Չինաստանի ղեկավարի հետ անձնական, անմիջական շփման հնարավորությունը։
