Բելառուսի նախագահ Ալեքսանդր Լուկաշենկոն օրենք է ստորագրել Հայրենական մեծ պատերազմում խորհրդային ժողովրդի հաղթանակի 80-ամյակի կապակցությամբ երկրում համաներում անցկացնելու մասին։ Սպասվում է, որ համաներումը կվերաբերի գրեթե 8 հազար դատապարտյալի, հաղորդում է Բելառուսի պետության ղեկավարի մամուլի ծառայությունը։
«Բելառուսի նախագահ Ալեքսանդր Լուկաշենկոն ստորագրել է «Հայրենական մեծ պատերազմում հաղթանակի 80-ամյակի կապակցությամբ համաներման մասին» օրենքը: Մեծ հաղթանակի տոնի նախօրեին այս օրենքի ընդունումը բելառուսական հասարակության մեջ մարդասիրության դրսեւորում է, որը ձգտում է մեղավորների վերասոցիալականացմանը»,- ասվում է հայտարարության մեջ։
Ընդգծվում է, որ, նախնական հաշվարկներով, համաներումը կվերաբերի գրեթե 8 հազար դատապարտյալի։
