Պակիստանը 48 ժամով փակել է իր օդային տարածքը, ինչի հետևանքով դադարեցվել են բոլոր ներքին և միջազգային չվերթները, հաղորդում է Samaa գործակալությունը։
Ավիացիոն աղբյուրների տվյալներով՝ Իսլամաբադի միջազգային օդանավակայանը փակ է բոլոր չվերթների համար, և բոլոր մուտքային և ելքային չվերթները վերահասցեագրվել են Կարաչիի օդանավակայան։ Saudi Airlines ավիաընկերության SV-726 չվերթը, որը պետք է վայրէջք կատարեր Իսլամաբադում, նույնպես ուղղությունը փոխվել է դեպի Կարաչի։
Պակիստանի իշխանությունները ուղևորներին խորհուրդ են տվել չհասնել օդանավակայան և վերադառնալ տուն։ Քաղաքացիական ավիացիայի վարչությունից հայտնել են, որ իրավիճակը կայունանալուն պես բնականոն թռիչքները կվերսկսվեն։
Թեև օդային տարածքի փակման ճշգրիտ պատճառները պաշտոնապես չեն հրապարակվել, պաշտոնյաները ենթադրում են, որ դա ավելի լայն անվտանգության միջոցառման մի մասն է։
Ավելի վաղ Հնդկաստանի զինված ուժերը հայտարարել էին, որ պատասխան հարված են հասցրել Պակիստանում և Պակիստանի կողմից օկուպացված Ջամմու և Քաշմիր շրջաններում տեղակայված ինը ահաբեկչական թիրախներին։
