Մոսկվան հաստատում է, որ մայիսի 8-ից 10-ը պատրաստ է ժամանակավոր հրադադարի Ուկրաինայում՝ նշելու Հաղթանակի 80-ամյակը։ Սակայն Կրեմլը զգուշացնում է․ եթե Ուկրաինան չմիանա հրադադարին ու հարվածի ռուսական դիրքերին, «անմիջական պատասխան» կլինի, փոխանցում է Reuters-ը։
Ուկրաինայի նախագահ Զելենսկին շեշտել է, որ միայն երկարաժամկետ՝ առնվազն 30-օրյա հրադադարի տարբերակն է քննարկելի, ինչը Կրեմլում «իրատեսական» չեն համարում այս պահին։
Մայիսի 9-ին Մոսկվայում սպասվում է մեծ ռազմական շքերթ, որին ներկա կլինի նաև Չինաստանի նախագահ Սի Ծինփինը։ Դեռ հայտնի չէ՝ Կիևը կընդունի՞ առաջարկը, թե ոչ։
