ԱՄՆ Պետդեպարտամենտը հաստատել է Ուկրաինայի հետ F-16 կործանիչների շահագործման և սպասարկման ուսուցման ծառայությունների մատուցման պայմանագիրը՝ մոտավորապես 311 միլիոն դոլար արժողությամբ։
Այս մասին հայտնել է Պենտագոնի Անվտանգության համագործակցության գործակալությունը, որը պատասխանատու է միջկառավարական պայմանագրերով արտասահման ռազմական տեխնիկայի և զենքի մատակարարման համար։
«Պետդեպարտամենտը հավանություն է տվել 310,5 միլիոն դոլարի հնարավոր արտասահմանյան ռազմական վաճառքին Ուկրաինայի կառավարությանը F-16 ինքնաթիռների ուսուցման և սպասարկման ծառայությունների և հարակից սարքավորումների համար», - ասվում է հաղորդագրության մեջ:
Պայմանագիրը ներառում է կործանիչների մոդիֆիկացիայի, դրանց սպասարկման, օդաչուների և տեխնիկական անձնակազմի վերապատրաստման ծառայություններ, ինչպես նաև պահեստամասերի, սարքավորումների և ծրագրային ապահովման մատակարարում:
Համաձայնագրի շրջանակներում մատակարարների թվում են Lockheed Martin Aeronautics-ը, Pratt & Whitney-ն և BAE Systems-ը:
