Ապրիլի 30-ին ռուսական դրոնները հարվածել են Խարկովի և Դնեպրի քաղաքներին, որի արդյունքում զոհվել է առնվազն մեկ մարդ, իսկ մոտ 50-ը՝ վիրավորվել։ Խարկովի մարզպետ Օլեգ Սինյեհուբովի խոսքով՝ միայն այդ քաղաքում վիրավորվել է 47 մարդ, ներառյալ երկու երեխա և հղի կին։ Դնեպրում, ըստ մարզպետ Սերգեյ Լիսակի, զոհվել է 53-ամյա տղամարդ, հայտնում է Reuters-ը:
Ուկրաինայի նախագահ Վոլոդիմիր Զելենսկին հայտարարել է՝ Ռուսաստանը մեկ գիշերվա ընթացքում օգտագործել է ավելի քան 100 հարձակողական դրոն։ Նա կրկին կոչ է արել միջազգային հանրությանը՝ հատկապես ԱՄՆ-ին, ուժեղացնել ճնշումը Ռուսաստանի վրա՝ պահանջելով իրական պատժամիջոցներ։ Չնայած Պուտինի հայտարարած մայիսի 8-10-ի հրադադարի մասին՝ ուկրաինական զինվորականները հայտնում են, որ արևելքում մարտական գործողությունների ինտենսիվությունը աճել է։
Խարկովի քաղաքապետ Իգոր Տերեխովը նշել է, որ հարվածները հասցվել են բազմաբնակարան շենքերին, բժշկական հաստատություններին և քաղաքացիական ենթակառուցվածքներին։ Դնեպրում հարձակումից տուժել են նաև բնակելի տներ, առաջացել են հրդեհներ։ Ռուսաստանն ու Ուկրաինան շարունակաբար հերքում են՝ դիտավորյալ թիրախավորում են խաղաղ բնակչությանը։
