Նիդերլանդների Թագավորության կրթության նախարարը Մայր Աթոռում էր

24.04 20:41 | Կատեգորիա Քաղաքական

Ապրիլի 24-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Նիդերլանդների Թագավորության կրթության, մշակույթի և գիտության նախարար Էպպո Բրուինսի գլխավորած պատվիրակությանը։

Հանդիպմանը ներկա էր նաև ՀՀ-ում Նիդերլանդների Թագավորության արտակարգ և լիազոր դեսպան Մարիկե Հարիետ Մոնրոյ-Վինթերը։

Վեհափառ Հայրապետն իր գոհունակությունը հայտնեց նվիրական այս օրը հյուրերի՝ Հայաստան և Մայր Աթոռ Սուրբ էջմիածին այցի առիթով, երբ հայ ժողովուրդը ոգեկոչում է Հայոց Ցեղասպանության 110-րդ տարելիցը։ Նորին Սրբությունն ընդգծեց, որ այսօր ազգի զավակների ուխտի երթերը դեպի Եղեռնի հուշակոթողներ ուղեկցվում են այն գիտակցությամբ, որ Հայոց Ցեղասպանությունը պիտի համընդհանուր ճանաչում և դատապարտում գտնի, որպեսզի նման ոճրագործություններ երբևէ մարդկային կյանքում չկրկնվեն։ Այս առնչությամբ Հայոց Հայրապետը ցավով անդրադարձավ, որ պարբերաբար ականատես և ականջալուր ենք լինում տարբեր երկրներում իրագործված նոր ցեղասպանությունների` նշելով, որ նման ցեղասպանություն իրականացվեց նաև Ադրբեջանի կողմից՝ Արցախի բռնազավթմամբ և հայաթափմամբ։

Հայոց Հովվապետն իր գնահատանքը հայտնեց Նիդերլանդների Թագավորությանը Ցեղասպանության դատապարտման, ինչպես և դժվարին օրերին Հայաստանին և արցախահայությանը ցուցաբերած զորակցության համար։

Իր խոսքում Նորին Սրբությունն անդրադարձավ նաև երկու ժողովուրդների միջև պատմական կապերին և առկա գործակցությանը՝ գոհունակությամբ նկատելով, որ տեղի հայ համայնքն ակտիվորեն ներգրավված է երկրի զարգացման գործընթացին։

Նախարար Էպպո Բրուինսը, շնորհակալություն հայտնելով Նորին Սրբությանն ընդունելության համար, կիսվեց Հայաստանից ստացած իր տպավորություններով և կարևորեց Հայ Եկեղեցու դարավոր փորձը՝ ի նպաստ փոփոխվող աշխարհում հավատքի և ժամանակակից կյանքի ներդաշնակության։

Ամենաշատ կարդացվածներ

Պոպուլիստ ղեկավարի համար հեշտ չէ համակերպվել այն բանի հետ, որ ինքը մսխել է 2018թ. հանրային վստահությունը

31.05 00:22 | Կատեգորիա Մտքեր

Սյունիքի մարզում «Opel Zafira»-ն Սառնակունք գյուղի ճանապարհին վրաերթի է ենթարկել 9-ամյա տղային. բժիշկներին չի հաջողվել փրկել երեխայի կյանքը

30.05 20:11 | Կատեգորիա Պատահարներ

Ուժգին քամու հետևանքով տուժած ծննդկանի նորածին երեխան ապաքինվել է

30.05 23:29 | Կատեգորիա Հասարակություն

Թուրք-պակիստանյան դաշինքն ընդդեմ Հայաստանի. ի՞նչ զինատեսակներ են մատակարարվում Ադրբեջանին (տեսանյութ)

30.05 21:46 | Կատեգորիա Քաղաքական

Սպերցյանը՝ ՌԴ անցած մրցաշրջանի խորհրդանշական հավաքականի ամենաթանկ ֆուտբոլիստ

30.05 19:24 | Կատեգորիա Սպորտ

Ռուսաստանը վերադառնալու է. Հայաստանը պետք է հարցերի լուծումը գտնի տարածաշրջանում. Գարիկ Քեռյան (տեսանյութ)

30.05 22:00 | Կատեգորիա Քաղաքական

Հոլիվուդը շոկի մեջ է․ ԴիԿապրիոն ամուսնանում է հանուն վրեժի

30.05 17:44 | Կատեգորիա Ժամանց

«Ալ Նասրը» Ռոնալդուին փոխարինող է գտել

30.05 22:51 | Կատեգորիա Սպորտ

Ռուսաստանը արգելել է Ադրբեջանից 152 տոննա գյուղատնտեսական արտադրանքի ներմուծումը (տեսանյութ)

30.05 22:30 | Կատեգորիա Քաղաքական

ՈՒՂԻՂ