Ոսկան Սարգսյանը գրում է․
«155 ուսուցչի ազատել են աշխատանքից, հիմա ուսուցիչներ են որոնում: Բուհի դիպլոմ չունենալու պատճաբանությամբ Տավուշի մարզի հանրակրթական դպրոցներում աշխատանքից ազատել են 155 ուսուցչի, որոնց մեծ մասը ունենալով միջին մասնագիտական, մանկավարժական կրթություն՝ երկար տարիներ հաջողությամբ աշխատում էր դպրոցներում։ Վերջերս Տավուշի մարզի Հովքի և Վերին Ծաղկավանի դպրոցներում ուսուցիչների թափուր բազում տեղերի համար մրցույթներ անցկացվեցին, սակայն դրանց մասնակցողներ չեղան, միայն Վ․ Ծաղկավանի դպրոցում զինղեկի թափուր հաստիքը համալրվեց։
Տավուշի մարզպետ Հ․ Ղալումյանին հարցրել եմ մարզի դպրոցներում ուսուցիչների թափուր տեղերի թվի մասին։ Մարզպետարանից պատասխանել են․ «Տավուշի մարզպետի աշխատակազմի ենթակայությամբ գործող հանրակրթական ուսումնական հաստատություններում առկա է 47 թափուր հաստիք, որոնց մրցույթների մասին /կարգով սահմանված/ համապատասխան հարթակներում տեղադրվում են հայտարարություններ և որոնք լրացվում են փոխարինող ուսուցիչների կողմից»:
Իրականում մարզի հանրակրթական դպրոցներում ուսուցիչների թափուր տեղերն ավելի շատ են, բազում են դեպքերը, երբ, օրինակ , ֆիզիկայի ուսուցիչը հանրահաշիվ է պարապում, աշխարհագրության ուսուցիչը՝ պատմություն և այլն։»:
