«Բրայթոնը» 80 մլն ֆունտ (93 մլն եվրո) կպահանջի Կաորու Միտոմայի տրանսֆերի համար, ով մայիսին կդառնա 28 տարեկան: Այդ մասին հայտնում է TeamTalk-ը։
Նշվում է, որ «Լիվերպուլը» լրջորեն հետաքրքրված է ֆուտբոլիստի ծառայություններով։ Անգլիական գրանդը ցանկանում են ձեռք բերել նրան այս ամառ՝ Ճապոնիա իրենց նախամրցաշրջանային այցից առաջ: Եթե այս տրանսֆերը կայանա, ապա «Բրայթոնի» պահանջած գումարը վճարելու դեպքում սա կլինի «Լիվերպուլի» պատմության ամենաթանկարժեք տրանսֆերը․ մինչ այս ամենաթանկարժեքը Դարվին Նունյեսի տրանսֆերն է (85 մլն եվրո)։
Ֆուտբոլիստի տրանսֆերին հավակնում է նաև «Չելսին», ինչպես նաև «Ալ Նասրը» ևս շարունակում է հետաքրքրություն ցուցաբերել այս տրանսֆերի հետ կապված։
