Միացյալ Նահանգների կողմից Դոնբասի և Ղրիմի վերամիավորված տարածքների հնարավոր ճանաչումը ցույց կտա Արևմուտքի ողջախոհությունը։ Այս մասին ՏԱՍՍ-ին հայտնել է Պետդումայի պատգամավոր Դմիտրի Բելիքը։
«Ռուսաստանը հենվում է իր Սահմանադրության վրա, որում փակված է Ղրիմի և նոր շրջանների սեփականության հարցը։ Եթե Արևմուտքում տիրեր ողջախոհությունը, ապա նշված բոլոր տարածքները կճանաչվեին որպես ռուսական»,–ընդգծել է նա։
Ապրիլի 18-ին Bloomberg-ը հայտնել էր, որ ԱՄՆ-ն պատրաստ է Ղրիմը ճանաչել որպես ռուսական տարածք՝ որպես ուկրաինական հակամարտության կարգավորման գործարքի մաս։
Վերջերս ԱՄՆ նախագահի հատուկ բանագնաց Սթիվեն Վիտկոֆֆ-ն ասել է, որ ՌԴ նախագահ Վլադիմիր Պուտինի հետ հանդիպմանը քննարկել է «տարածքային հարցը»։ Նրա խոսքով, դա եղել է բանակցությունների կենտրոնական թեման։
Թարգմանությունը՝ Մանուել Թամազյանի
