ԱՄՆ-ը ու Իրանը Օմանում կայացած բանակցությունների ընթացքում չեն քննարկել իրանական հրթիռային ծրագրի զարգացմանն ու տարածաշրջանում իրանամետ խմբավորումների գործունեությանը վերաբերող հարցեր։ Խորհրդակցությունները կենտրոնացած են եղել բացառապես Իրանի միջուկային ծրագրի շուրջ տարաձայնությունների լուծման հեռանկարների վրա, ՏԱՍՍ-ին հայտնել է դիվանագիտական աղբյուրը։
Նրա խոսքով՝ իրանական կողմը բանակցությունները դիտարկում է որպես «դիվանագիտական հաղթանակ» Իսլամական Հանրապետության համար, որին հաջողվել է օրակարգից հանել հրթիռային ծրագրի հարցը։
«Օմանում հանդիպման մասնակիցները քննարկել են միայն ապագա միջուկային բանակցությունների շրջանակը։
Խորհրդակցությունները չեն անդրադարձել այնպիսի հարցերի, ինչպիսիք են Իրանի հրթիռային ծրագրի իրականացումը և «դիմադրության առանցքին, ներառյալ հութիներին, որոնց դեմ ԱՄՆ-ը ռազմական արշավ է իրականացնում Եմենում» աջակցություն ցուցաբերելու մասին:
