Չինաստանը ծրագրում է կրճատել ամերիկյան ֆիլմերի ցուցադրությունները Վաշինգտոնի և Պեկինի միջև առևտրային պատերազմի ֆոնին։ Այս մասին հայտնում է Կինեմատոգրաֆիայի պետական վարչությունը։
«ԱՄՆ կառավարության սխալ պրակտիկան՝ չարաշահելու Չինաստանի դեմ մաքսատուրքերը, անխուսափելիորեն կհանգեցնի չինացի հանդիսատեսի կողմից ամերիկյան ֆիլմերի նկատմամբ բարեհաճության հետագա անկմանը», - ասվում է գերատեսչության հայտարարության մեջ: «Մենք կհետևենք շուկայի կանոններին, հարգելու ենք հանդիսատեսի ընտրությունը և չափավոր կնվազեցնենք ամերիկյան ներկրվող ֆիլմերի քանակը»:
Գործակալությունն ընդգծել է, որ Չինաստանը երկրորդ ամենամեծ կինոշուկան է աշխարհում։ «Մենք միշտ պահպանում ենք բաց լինելու բարձր մակարդակ արտաքին աշխարհի նկատմամբ և կներկայացնենք բարձրակարգ ֆիլմեր աշխարհի ավելի շատ երկրներից՝ շուկայի պահանջարկը բավարարելու համար», - ասվում է հայտարարության մեջ:
2024 թվականին Չինաստանում ցուցադրված ֆիլմերի մոտ 85%-ը արտադրվել է երկրի ներսում։
