Արգենտինայի դատախազ Սեբաստիան Բասսոն երկրի դաշնային դատարանին խնդրել է ձերբակալել Իրանի գերագույն առաջնորդ այաթոլլա Ալի Խամենեին՝ 1994 թվականին Բուենոս Այրեսի պայթյունի հետաքննության շրջանակներում, որը խլեց 85 մարդու կյանք հրեական կենտրոնում, հայտնում է Infobae-ն՝ վկայակոչելով Բասոյի խնդրանքը:
Պորտալի տվյալներով՝ Բասսոն, ով 1994 թվականին Բուենոս Այրեսի պայթյունի հետաքննության ղեկավարն է, դատարանին ուղղված միջնորդության մեջ նշել է, որ Իրանի առաջնորդը պետք է հետաքննվի հարձակումը պլանավորելու և իրագործելու մեջ իր ենթադրյալ մասնակցության համար։
Իր հայտարարության մեջ Բասսոն պահանջել է նաեւ հեռակա դատել ահաբեկչության կատարման մեջ մեղադրվող բոլոր անձանց։
Ինչպես հաղորդում է Infobae-ն, սպասվում է, որ դատավորը մի քանի օրից կուսումնասիրի դատախազի խնդրանքը և կորոշի Իրանի գերագույն առաջնորդին կալանավորելու հրաման տալ, թե ոչ:
