Օմանում Իրանի և ԱՄՆ-ի բանակցությունները տեղի կունենան միջնորդների միջոցով, այլ ոչ ուղղակիորեն, ինչպես նախկինում հայտարարել էին ԱՄՆ վարչակազմի ներկայացուցիչները։ Այս մասին հայտարարել է Իսլամական Հանրապետության նախագահ Մասուդ Փեզեշքյանը։
«Իրանի արտաքին գործերի նախարար Աբբաս Արաղչին Օմանում ԱՄՆ ներկայացուցիչների հետ անուղղակի բանակցություններում կներկայացնի Գերագույն առաջնորդ այաթոլլա Ալի Խամենեիի հանձնարարականները», - մեջբերում է Փեզեշքիանի մամուլի ծառայությունը։
Ապրիլի 7-ին ԱՄՆ նախագահ Դոնալդ Թրամփը հայտարարեց, որ Իրանի և ԱՄՆ-ի միջև ապրիլի 12-ին նախատեսված բանակցությունները կանցկացվեն ուղղակիորեն, իսկ հաջորդ օրը նույն հայտարարությունն արեց Սպիտակ տան մամուլի քարտուղար Քերոլայն Լևիթը։
