ԱՄՆ առողջապահության և մարդկային ծառայությունների նախարար Ռոբերտ Քենեդի կրտսերը կոչ է արել ողջ երկրում պատվաստվել կարմրուկի դեմ։
«Մենք խրախուսում ենք մարդկանց ստանալ կարմրուկի դեմ պատվաստանյութ: Դաշնային կառավարության դիրքորոշումը, իմ դիրքորոշումն այն է, որ մարդիկ պետք է ստանան կարմրուկի դեմ պատվաստանյութը», - ասել է նա CBS News-ին: Միաժամանակ, վարչության պետը նշել է, որ «Կառավարությունը չպետք է պարտադիր դարձնի պատվաստումները»։
Ավելի վաղ ԱՄՆ նախագահ Դոնալդ Թրամփը հայտարարել էր, որ իշխանությունները վճռական միջոցներ կձեռնարկեն, եթե երկրում կարմրուկի հետ կապված իրավիճակը վատթարանա։
ԱՄՆ Հիվանդությունների վերահսկման և կանխարգելման կենտրոնի (CDC) վերջին տվյալների համաձայն՝ տարեսկզբից ավելի քան 20 նահանգներում հաստատվել է կարմրուկի 607 դեպք։ Երկրում արձանագրվել է մահվան ելքով երկու դեպք։ Ամբողջ 2024 թվականին ԱՄՆ-ում գրանցվել է կարմրուկի 285 դեպք։
