Վրաստանի վարչապետ Իրակլի Կոբախիձեն հայտարարել է, որ Ռուսթավելիի պողոտայում՝ Թբիլիսիի կենտրոնում, ապրիլի 9-ի հուշահամալիրի մոտ տեղի ունեցած ցույցն անցկացվում է արտասահմանյան ուժերի կողմից։
«Այսօր օտար ուժերը փորձեցին բռնություն հրահրել Ռուսթավելիի պողոտայում, և երբ չհաջողվեց, իրենք բռնության դիմեցին: Մենք չենք կարող հավելյալ էներգիա տալ ատելությանը և խուսափելու ենք արտաքին ուժերի կողմից ծրագրված ցանկացած, նույնիսկ փոքր սադրանքներից»,- Կոբախիձեի խոսքը մեջբերում է հանրապետության կառավարության մամուլի ծառայությունը։
Ընդդիմության կողմնակիցներն ամբողջ գիշեր անցկացրել են Ռուսթավելի պողոտայում՝ Վրաստանի խորհրդարանի շենքի դիմաց։ Այս պահին 1989 թվականի ապրիլի 9-ին զոհվածների հուշահամալիրի մոտ ցույց է տեղի ունենում, և իրավիճակը պարբերաբար սրվում է։
