Ինդոնեզիայի նախագահ Պրաբովո Սուբիանտոն հայտարարել է, որ երկիրը պատրաստ է ժամանակավորապես ընդունել Գազայից 1000 վիրավորների և որբերի։
Ինչպես հայտնում է Jakarta Globe-ը, Պրաբովո Սուբիանտոն ներկայումս մեկնում է Մերձավոր Արևելք՝ բանակցություններ վարելու տարածաշրջանի ղեկավարների հետ՝ Գազայում ճգնաժամը կարգավորելու համար:
Ինքնաթիռ նստելուց անմիջապես առաջ Ինդոնեզիայի նախագահը լրագրողներին հայտնել է Գազայի բնակիչներին տարհանելու և նրանց Ինդոնեզիայում թողնելու իր մտադրության մասին, քանի դեռ իրավիճակը տարածաշրջանում չի բարելավվել։ Ինդոնեզիան բաց է առաջին փուլում մոտ 1000 Գազայի բնակիչներ ընդունելու համար, ասել է Պրաբովո Սուբիանտոն:
«Մենք պատրաստ ենք ընդունել վիրավորներին։ Մենք անհապաղ կուղարկենք մեր արտգործնախարար Սուջիոնոյին՝ խորհրդակցելու պաղեստինյան կառավարության և տարածաշրջանի կողմերի հետ դրա իրականացման վերաբերյալ», - հայտարարել է նախագահը։
Ինդոնեզիան մտադիր է օգտագործել իր ինքնաթիռները Գազայի հատվածի քաղաքացիներին տարհանելու համար։
