Լրացուցիչ մաքսատուրքեր սահմանելու ԱՄՆ գործողությունները չեն վկայում երկխոսության Վաշինգտոնի պատրաստակամության մասին։ Այս մասին ճեպազրույցում հայտարարել է Չինաստանի ԱԳՆ պաշտոնական ներկայացուցիչ Լին Ցզյանը։
«Ամերիկյան կողմի գործողությունները չեն արտահայտում նրա պատրաստակամությունը լուրջ երկխոսության համար, եթե ԱՄՆ-ն իսկապես պատրաստ լիներ քննարկումների, դա կնշանակեր հավասարության և փոխադարձ հարգանքի քաղաքականությունը։
Եթե Վաշինգտոնը որոշի անտեսել երկու երկրների և միջազգային հանրության շահերը և շարունակի մաքսատուրքային ու առևտրային պատերազմները, Չինաստանը կշարունակի դրան պատասխանել մինչև վերջ»,- նշել է Չինաստանի ԱԳՆ պաշտոնական ներկայացուցիչը։
Ապրիլի 2-ին ԱՄՆ նախագահ Դոնալդ Թրամփը հայտարարեց 185 երկրների և տարածքների ապրանքների համար մաքսատուրքեր սահմանելու մասին։ 10 տոկոս համընդհանուր սակագները ուժի մեջ են մտել ապրիլի 5-ից, անհատականները՝ ապրիլի 9-ից։
