Վենեսուելայի նախագահ Նիկոլաս Մադուրոն հայտարարել է, որ երեքշաբթի օրը երկրում կհայտարարի արտակարգ տնտեսական դրություն՝ կապված Միացյալ Նահանգների կողմից հայտարարված առևտրային պատերազմի հետ։
«Վաղը ես կստորագրեմ տնտեսական արտակարգ դրության մասին սահմանադրական հրամանագիրը՝ պաշտպանելու Վենեսուելայի տնտեսությունը», – ասել է նա երկուշաբթի օրը Venezolana de Televisión հեռուստաալիքի «Մադուրո պլյուս» հաղորդման ժամանակ։
Վենեսուելայի առաջնորդը կարծում է, որ «ԱՄՆ կառավարությունը խախտում է համաշխարհային տնտեսական կանոնները՝ ոչնչացնելով միջազգային առևտրատնտեսական իրավունքը և Առևտրի համաշխարհային կազմակերպությունը»։
Նա նշել է, որ «ֆինանսական շուկաների փլուզումը ազդել է ողջ աշխարհի և հատկապես ամերիկյան ժողովրդի վրա»։
Մադուրոն ասել է, որ Վենեսուելան «ուշադրությամբ հետևում է առևտրային պատերազմի բացասական հետևանքներին՝ երկիրը բոլոր հնարավոր բացասական հետևանքներից պաշտպանելու և համաշխարհային տնտեսական պատերազմին արձագանքելու համար»։
