Մեքսիկացի բժիշկները Դուրանգո նահանգից երեք տարեկան աղջկա մոտ թռչնագրիպ են հայտնաբերել, ինչը երկրում առաջին դեպքն է։ Այս մասին ասվում է Մեքսիկայի առողջապահության նախարարության հայտարարության մեջ։
«Առողջապահության նախարարությունը հայտնում է Մեքսիկայում թռչնագրիպի A (H5N1) առաջին դեպքի մասին, որը տեղի է ունեցել Դուրանգո նահանգում բնակվող երեք տարեկան աղջկա մոտ»,- նշել են գերատեսչությունում։
Նրանք հավելել են, որ ապրիլի 1-ին Ախտորոշման և համաճարակաբանական հսկողության ինստիտուտի կողմից հաստատվել է H5N1 գրիպի մարդու դեպք։
«Հիվանդը հոսպիտալացված է Տորեոն քաղաքի երրորդ աստիճանի բաժանմունքում, նրա վիճակը գնահատվում է ծանր», - ավելացրել են Առողջապահության նախարարությունից։
