ՆԱՏՕ-ի գլխավոր քարտուղար Մարկ Ռյուտեն կտրականապես հրաժարվել է մեկնաբանել դաշինքի մյուս անդամների նկատմամբ ԱՄՆ-ի կողմից հայտարարված մաքսատուրքերը։
«Իմ դերը ՆԱՏՕ-ի տարածքի պաշտպանության վրա կենտրոնանալն է, այնպես որ ես այլ հարցերի չեմ պատասխանում»,- ասել է նա դաշինքի երկրների արտգործնախարարների հանդիպման արդյունքներով մամուլի ասուլիսում՝ պատասխանելով մաքսատուրքերի վերաբերյալ լրագրողների բազմաթիվ հարցերին։
Նրա խոսքով՝ ՆԱՏՕ-ում քննարկումներն ամբողջությամբ ուղղված են պաշտպանությանը։
«Այդ պատճառով ես սակագների վերաբերյալ չեմ մեկնաբանում»,- հավելել է նա։ «Կարծում եմ՝ դրանք առանձին հարցեր են, և մենք չպետք է թույլ տանք, որ դա խանգարի մեր քննարկումներին»:
Ռյուտեն նաև կասկած է հայտնել, որ ՆԱՏՕ-ի գործընկերների դեմ ԱՄՆ-ի առևտրային մաքսատուրքերի սահմանումը կխաթարի Վաշինգտոնի պայմանագրի 2-րդ հոդվածը, որտեղ ասվում է, որ դաշինքի բոլոր երկրները պետք է օգնեն բարելավել միմյանց տնտեսական բարեկեցությունը:
