«Մի ազգ ենք, բայց չգիտեմ, թե ինչու են իշխանություններն այսպես ատելությամբ լցված արցախցիների հանդեպ»,- լրագրողներին ասաց արցախցի կինը, ով կառավարության մոտ մասնակցում է արցախցիների ինքնաբուխ հավաքին։
Ըստ նրա, Հայաստանի իշխանությունն ուզում է արցախիցները ցրվեն, չմնան Հայաստանում՝ այդպես համարելով արցախցիների հարցը լուծված, բողոքող էլ չի լինի։
«Ուզում են ցրվենք, սփռվենք, չեն ուզում, որ մնանք այստեղ։ Դա է իմ մտածածը։ Ուրիշ բացատրություն չունեմ։
Մենք պայքարել ենք, բլոկադայի ամիսներին դիմադրել ենք։ Թող այս իշխանությունն ամաչի, որ մեզ զրկել է մեր արմատներից, մեր գերեզմաններից։ Մենք ամաչելու բան չունեք, դուք ունեք»,- ասաց արցախցի կինը։
