Իտալական Leonardo ինժեներական խումբը, Airbus ավիատիեզերական ընկերությունը և Thales պաշտպանական ընկերությունը պատրաստվում են մի քանի ամսվա ընթացքում դաշինք ստեղծել արբանյակային տեխնոլոգիաների ոլորտում համատեղ նախագիծ մշակելու համար, հաղորդում է CNBC հեռուստաալիքը՝ վկայակոչելով իտալական հոլդինգի ղեկավար Ռոբերտո Չինգոլանին։
2024 թվականի դեկտեմբերին արևմտյան լրատվամիջոցները հայտնել էին, որ Լեոնարդոն, Airbus-ը և Thales-ը քննարկում են համատեղ տիեզերական ընկերություն ստեղծել՝ մրցելու Starlink արբանյակային ցանցի հետ, որը պատկանում է ամերիկացի ձեռնարկատեր Իլոն Մասկին:
«Եվրոպական պաշտպանական հսկա Լեոնարդոն հույս ունի մի քանի ամիսների ընթացքում բացահայտել արբանյակային դաշինք Airbus-ի և Thales-ի հետ, քանի որ մայրցամաքը այլընտրանք է փնտրում Իլոն Մասկի Starlink-ին»,- ասվում է հեռուստաալիքի կայքում հրապարակված գրառման մեջ:
Ինչպես հեռուստաալիքին ասել է Լեոնարդոյի ղեկավարը, ընկերությունները ներկայումս համատեղ նախնական աշխատանք են տանում և փորձում են պարզել՝ արդյոք իրենց դաշինքը տնտեսապես շահավետ կլինի և ընդունելի կլինի հակամենաշնորհային օրենքի տեսանկյունից։
