Ռուսաստանի նախագահ Վլադիմիր Պուտինը շնորհավորական ուղերձ է հղել Բելառուսի նախագահ Ալեքսանդր Լուկաշենկոյին՝ Միասնության օրվա կապակցությամբ։ Ուղերձում ընդգծել է, որ երկրները կշարունակեն զարգացնել փոխշահավետ դաշնակցային կապերը ՝ ի շահ անվտանգության եւ կայունության։ Ուղերձը հրապարակվել է Կրեմլի կայքում։
«Հարգելի Ալեքսանդր Գրիգորիի, ընդունեք իմ ջերմ շնորհավորանքները Ռուսաստանի և Բելառուսի ժողովուրդների միասնության օրվա կապակցությամբ։ Վստահ եմ, որ մենք կշարունակենք ամեն կերպ ամրապնդել փոխշահավետ դաշնակցային կապերը՝ ի շահ մեր եղբայրական ժողովուրդների, ի շահ Եվրասիական անվտանգության և կայունության ապահովման»,- ասվում է ուղերձում։
Պուտինն ընդգծել է, որ երկրների միջև եղբայրական բարեկամության, հոգևոր և մշակութային մտերմության դարավոր ավանդույթների վրա հիմնված հարաբերությունները դինամիկ զարգանում են բոլոր ոլորտներում, իսկ Միութենական պետության ինստիտուտներն ու մեխանիզմները համակարգված կերպով կատարելագործվում են։
