Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին դիտարկում է ՄԱԿ-ի գլխավոր քարտուղարի պաշտոնում իրեն առաջադրելու հնարավորությունը։ Նա Բուենոս Այրեսում լրագրողներին ասել է.
«Անտոնիո Գուտերեշի իրավահաջորդի ընտրության գործընթացը դեռ չի սկսվել: Գործընթացը կսկսվի տարեվերջին, երբ ՄԱԿ-ի Գլխավոր ասամբլեայում դիմումներ ներկայացնելու կոչ կհրապարակվի: Ես դիտարկում եմ այդ հնարավորությունը»,- Գրոսսիի խոսքերն է մեջբերում La Nacion թերթը։
Գուտերեշի երկրորդ հնգամյա ժամկետը ՄԱԿ-ի գլխավորությամբ կավարտվի 2026 թվականի դեկտեմբերի 31-ին: Գրոսսին ՄԱԳԱՏԷ-ի գլխավոր տնօրենի պաշտոնը զբաղեցնում է 2019 թվականից:
